១៧ កក្កដា ២០១៤
យន្តហោះម៉ាឡេស៊ីប្រភេទMH-17 បានធ្លាក់កាលពីថ្ងៃព្រហស្បតិ៍នៅប្រទេសអ៊ុយក្រែន បណ្តាលឲ្យមនុស្ស២៩៨នាក់ស្លាប់។
សារព័ត៌មានBBCរាយការណ៍ថា យន្តហោះបានធ្វើដំណើរពីទីក្រុងAmsterdamប្រទេសហូឡង់ទៅកាន់ទី ក្រុងកូឡាឡាំពួរប្រទេសម៉ាឡេស៊ី។យន្តហោះបានចាកចេញនៅពេលរសៀលថ្ងៃ ព្រហស្បតិ៍ ហើយរំពឹងថាដល់ប្រទេសម៉ាឡេស៊ីនៅព្រលឹមថ្ងៃសុក្រ។ អាកាសចរណ៍ឲ្យដឹងថា ពួកគាត់បានបាត់ទំនាក់ទំនងជាមួយយន្តហោះប្រហែលជា៥០គីឡូម៉ែត្រពី ព្រំដែនរុស្ស៊ី-អ៊ុយក្រែន។
សេចក្តីរាយការណ៍ ឲ្យដឹងថាយន្តហោះធ្លាក់នៅភូមិមួយឈ្មោះថាGrabovo
នៅក្នុងតំបន់កាន់កាប់ដោយពួកឧទ្ទាម ក្បែរព្រំដែនជាមួយប្រទេសរុស្ស៊ី។មិនមានសញ្ញាថាអ្នកធ្វើដំណើរ នៅរស់នោះទេ។មន្ត្រីជំនាញសង្ស័យថាមានបាញ់មីស៊ីលទម្លាក់យន្តហោះ នោះ តែមិនទាន់ច្បាស់ថាមូលហេតុអ្វីបានជាយន្តហោះធ្លាក់នោះទេ។
រដ្ឋាភិបាលអ៊ុយក្រែន និងក្រុមឧទ្ទាមបដិសេធការបាញ់ទម្លាក់យន្តហោះ។ អ្នកធ្វើដំណើរតាមយន្តហោះ មានជនជាតិហូឡង់ចំនួន១៥៤នាក់ អូស្ត្រាលី២៧នាក់ ម៉ាឡេស៊ី ២៣នាក់ ឥណ្ឌូនេស៊ី១១នាក់ អង់គ្លេស៦នាក់ អាល្លឺម៉ង់៤នាក់ ជនជាតិបែលហ្សិក៤នាក់ ជនជាតិហ្វីលីពីន៣នាក់ កាណាដា១នាក់ និងក្រុមការងារបើយន្តហោះម៉ាឡេស៊ី១៥នាក់។
នាយករដ្ឋមន្ត្រីម៉ាឡេស៊ី លោក Najib Razak មានប្រសាសន៍ថាលោករន្ធត់នឹងសេចក្តីរាយការណ៍ថយន្តហោះMHធ្លាក់។ លោកប្រកាសឲ្យមានការស៊ើបអង្កេតជាបន្ទាន់។
ប្រទេសអង់គ្លេសបានកោះបើកកិច្ចប្រជុំក្រុមប្រឹក្សាសន្តិសុខអង្គការសហប្រជាជាតិជាបន្ទាន់ ករណីធ្លាក់យន្តហោះនេះ។
នេះជាសោដនាដកម្មលើកទីពីរហើយសម្រាប់ប្រទេសម៉ាឡេស៊ីនៃ ការធ្លាក់យន្តហោះ។យន្តហោះMH-370ដឹកអ្នកដំណើរចំនួន២៣៩នាក់ បានបាត់ខ្លួនចាប់ពីព្រឹកព្រលឹមថ្ងៃទី៨មីនាឆ្នាំ២០១៤ រហូតមកដល់ពេលនេះ ខណៈវាហោះចេញពីទីក្រុងកូឡាឡាំពួរ ឆ្ពោះទៅទីក្រុងប៉េកាំង ប្រទេសចិន។
ប្រតិកម្មរបស់សហគមន៍អន្តរជាតិ
ប្រទេសអង់គ្លេស អំពាវនាវឲ្យមានការស៊ើបអង្កេតមួយ ដោយអង្គការសហប្រជាជាតិ ជាអ្នកដឹកនាំ ហើយទទូចឲ្យក្រុមប្រឹក្សាសន្តិសុខ បើកកិច្ចប្រជុំជាបន្ទាន់។
នាយករដ្ឋមន្ត្រីអង់គ្លេស David Cameron កោះប្រជុំគណៈរដ្ឋមន្ត្រីរបស់លោកជាបន្ទាន់។ លោកនិយាយថាលោកមានការរន្ធត់ចិត្តជាខ្លាំង។
នាយករដ្ឋមន្ត្រីអង់គ្លេស David Cameron កោះប្រជុំគណៈរដ្ឋមន្ត្រីរបស់លោកជាបន្ទាន់។ លោកនិយាយថាលោកមានការរន្ធត់ចិត្តជាខ្លាំង។
ប្រធាន ក្រុមប្រឹក្សាអឺរុប លោក Manuel Barroso គេត្រូវធ្វើការស៊ើបអង្កេតជាបន្ទាន់ ហើយអ្នកពាក់ព័ន្ធ ត្រូវចេញមុខមកទទួលខុសត្រូវចំពោះសោកនាដកម្មនេះ។
ប្រធាន គោលនយោបាយសហភាពអឺរ៉ុប លោកស្រី Catherine Ashton បានអំពាវនាវឲ្យភាគីពាក់ព័ន្ធទាំងអស់នៅក្នុងតំបន់ ជួបប្រជុំគ្នា ហើយពិនិត្យស្ថានការណ៍ ធ្លាក់យន្តហោះ នេះ ដោយស្មារតីទទួលខុសត្រូវ។
ប្រធាន គោលនយោបាយសហភាពអឺរ៉ុប លោកស្រី Catherine Ashton បានអំពាវនាវឲ្យភាគីពាក់ព័ន្ធទាំងអស់នៅក្នុងតំបន់ ជួបប្រជុំគ្នា ហើយពិនិត្យស្ថានការណ៍ ធ្លាក់យន្តហោះ នេះ ដោយស្មារតីទទួលខុសត្រូវ។
អគ្គលេខាធិការអង្គការសហប្រជាជាតិ លោក បាន គីមួន គាំទ្រឲ្យមានការស៊ើបអង្កេត ជាបន្ទាន់ និងកម្រិតអន្តរជាតិ។
ក្រុមប្រទេសសម្ព័ន្ធមិត្តយោធាណាតូ បានពិព័ណនា យន្តហោះម៉ាឡេស៊ី MH-១៧ ថាជាសោកនាកម្មទ្វេគ្រោះ។
ក្រុមប្រទេសសម្ព័ន្ធមិត្តយោធាណាតូ បានពិព័ណនា យន្តហោះម៉ាឡេស៊ី MH-១៧ ថាជាសោកនាកម្មទ្វេគ្រោះ។
អគ្គលេខាធិការណា តូ Anders Fogh Rasmussen ទាមទារយកជនឧក្រិដ្ឋមកផ្តន្ទាទោស។ លោកថាសោកនាកម្មនេះ កើតចេញពីវិបត្តិនៅអ៊ុយក្រែន ហើយជាទង្វើរបស់ ពួកសកម្មប្រយុទ្ធ ដែលរុស្ស៊ីគាំទ្រ។
ពួកមន្ត្រីយោធាអាមេរិក និយាយថា យន្តហោះនេះត្រូវបានបាញ់ធ្លាក់ ដោយកាំជ្រួចរបស់ពួកឧទ្ទាម ដែលក្រុងម៉ូស្គូនៅពីក្រោយ។
ប្រធានាធិបតីអាមេរិក បារ៉ាក់អូបាម៉ា បានហៅព្រឹតិ្តការណ៍នេះ ថាជាសោកនាដកម្មដ៏រន្ធត់ ហើយបានស្នើឲ្យក្រុមប្រឹក្សាសន្តិសុខជាតិអាមេរិក ជួយស៊ើបអង្កេតករណីនេះជាមួយរដ្ឋាភិបាលអ៊ុយក្រែន។ អនុប្រធានាធិបតីអាមេរិក Joe Biden បានភ្ជាប់ទូរស័ព្ទភ្លាមៗជាមួយប្រធានាធិបតីអ៊ុយក្រែន Petro Poroshenko។ ជាមួយគ្នានេះ សេតវិមាន ទទូចថា គេត្រូវឲ្យមានបទឈប់បាញ់គ្នាមួយជាបន្ទាន់ រវាងកងទ័ពរដ្ឋាភិបាលអ៊ុយក្រែន និងពួកឧទ្ទាម។
ប្រធានាធិបតីបារាំង Francois Hollande និយាយថា គេត្រូវការមានការសាមគ្គីគ្នា ដើម្បីជួយរំលែកទុក្ខ ចំពោះជនរងគ្រោះខណៈលោកអំពាវនាវឲ្យមានការស៊ើបអង្កេត ជាបន្ទាន់ ។
ប្រទេសអាល្លឺម៉ង់ ទាមទារឲ្យជនពាក់ព័ន្ធចូលខ្លួនមកទទួលខុសត្រូវ ហើយទទូចថាជនគ្រប់រូប ត្រូវចូលរួមធ្វើកិច្ចការនេះជាបន្ទាន់។
ប៉ុន្តែ មេដឹកនាំរុស្ស៊ី ដែលត្រូវបានថ្កោលទោស ថានៅពីក្រោយសោកនាដកម្មនេះ និយាយថា រដ្ឋាភិបាលក្រុងម៉ូស្គូ បានប្រាប់ទៅក្រសួងការពារជាតិ ជួយអន្តរាគមន៍ដើម្បីជួយ ស្ដារស្ថិរភាពនេះឡើងវិញ។ ប៉ុន្តែ លោកដាក់កំហុសព្រឹត្តិការណ៍នេះទៅលើប្រទេសអ៊ុយក្រែន។ លោកថា ប្រសិនបើតំបន់ដែលយន្តហោះធ្លាក់នោះ ជាតំបន់សន្តិភាព គឺមិនមានអ្វីកើតឡើងទេ។
តាមព័ត៌មានចុងក្រោយ គឺមានមនុស្សស្លាប់ដែលជិះយន្តហោះនោះ មានចំនួន២៩៨នាក់។
នាយករដ្ឋមន្ត្រីម៉ាឡេស៊ី Najib Razak សម្រេចបញ្ជូនក្រុមស៊ើបអង្កេតទៅកាន់ប្រទេសអ៊ុយក្រែន ជាបន្ទាន់បន្ទាប់ពីលោកនិយាយតាមទូរស័ព្ទ ជាមួយប្រធានាធិបតី President Petro Poroshenko អំពីសោកនាដកម្មរបស់យន្តហោះម៉ាឡេស៊ី ជើងហោះហើរ MH-១៧ ដែលផ្ទុះធ្លាក់ នៅភាគខាងកើតប្រទេសអ៊ុយក្រែន។
ជាតិសាសន៍ដែលបានស្លាប់ឧបទ្ទវហេតុធ្លាក់យន្តហោះម៉ាឡេស៊ី MH-17
អ្នកធ្វើដំណើរតាមយន្តហោះ មានជនជាតិហូឡង់ចំនួន១៥៤នាក់ អូស្ត្រាលី២៧នាក់ ម៉ាឡេស៊ី២៣នាក់ ឥណ្ឌូនេស៊ី១១នាក់ អង់គ្លេស៦នាក់ អាល្លឺម៉ង់៤នាក់ ជនជាតិប៊ែលហ្ស៊ីក៤នាក់ ជនជាតិហ្វីលីពីន៣នាក់ កាណាដា១នាក់ និងក្រុមការងារលើយន្តហោះម៉ាឡេស៊ី១៥នាក់។
ប្រវត្តិដែលយន្តហោះម៉ាឡេស៊ី ជួបឧបទ្ទវហេតុ៖
- នៅឆ្នាំ១៩៧៧ គឺជើងហោះហើរ MH-653 វាបានធ្លាក់ដោយចោរប្លន់ដោយសម្លាប់មនុស្ស១០០នាក់។
- នៅឆ្នាំ១៩៨៣ គឺជើងហោះហើរ MH-684 វាធ្លាប់ដោយសារអាកាសធាតុ តែពុំមានមនុស្សស្លាប់ទេ។
- នៅឆ្នាំ១៩៩៥ គឺជើងហោះហើរ MH-2113 ស្លាប់មនុស្ស៣៤នាក់ ដោយសារអ្នកបើកបរបាត់បង់ស្មារតី។
- នៅឆ្នាំ២០០០ គឺជើងហោះហើរ MH-085 ពុំមានមនុស្សស្លាប់ ឬរបួសអ្វីទេ តែដោយសារឧបទ្ទវហេតុពេលបន្ទាបខ្លួនចុះ។
- នៅឆ្នាំ២០០៥ គឺជើងហោះហើរ MH-124 ពុំមានអ្នកស្លាប់ទេ។
- នៅឆ្នាំ២០១៣ គឺជើងហោះហើរ MH-170 ពុំមានអ្នកស្លាប់ទេ ដោយសារសម្ពាធខ្យល់ ហើយ
- នៅឆ្នាំថ្ងៃទី៨ មិនា ឆ្នាំ២០១៤ គឺជើងហោះហើរ MH-370 ដោយសារបាត់ពីប្រព័ន្ធរ៉ាដា និងបាត់មកដល់ពេលនេះ ដោយពុំទាន់រកឃើញ។
- នៅឆ្នាំ១៩៧៧ គឺជើងហោះហើរ MH-653 វាបានធ្លាក់ដោយចោរប្លន់ដោយសម្លាប់មនុស្ស១០០នាក់។
- នៅឆ្នាំ១៩៨៣ គឺជើងហោះហើរ MH-684 វាធ្លាប់ដោយសារអាកាសធាតុ តែពុំមានមនុស្សស្លាប់ទេ។
- នៅឆ្នាំ១៩៩៥ គឺជើងហោះហើរ MH-2113 ស្លាប់មនុស្ស៣៤នាក់ ដោយសារអ្នកបើកបរបាត់បង់ស្មារតី។
- នៅឆ្នាំ២០០០ គឺជើងហោះហើរ MH-085 ពុំមានមនុស្សស្លាប់ ឬរបួសអ្វីទេ តែដោយសារឧបទ្ទវហេតុពេលបន្ទាបខ្លួនចុះ។
- នៅឆ្នាំ២០០៥ គឺជើងហោះហើរ MH-124 ពុំមានអ្នកស្លាប់ទេ។
- នៅឆ្នាំ២០១៣ គឺជើងហោះហើរ MH-170 ពុំមានអ្នកស្លាប់ទេ ដោយសារសម្ពាធខ្យល់ ហើយ
- នៅឆ្នាំថ្ងៃទី៨ មិនា ឆ្នាំ២០១៤ គឺជើងហោះហើរ MH-370 ដោយសារបាត់ពីប្រព័ន្ធរ៉ាដា និងបាត់មកដល់ពេលនេះ ដោយពុំទាន់រកឃើញ។
នេះលើកទីពីរនៅឆ្នាំ២០១៤នេះ ហើយចំពោះប្រទេសម៉ាឡេស៊ីដែលធ្លាក់យន្តហោះប្រភេទBoeing 777 បន្ទាប់ពីយន្តហោះMH-370 ដឹកអ្នកដំណើរចំនួន២៣៩នាក់ បានបាត់ កាលពីថ្ងៃទី៨មីនាឆ្នាំ២០១៤ រហូតមកដល់ពេលនេះ ខណៈវាហោះចេញពីទីក្រុងកូឡាឡាំពួរ ឆ្ពោះទៅទីក្រុងប៉េកាំង ប្រទេសចិន៕
0 comments :
Post a Comment